لاہور :نا معلوم افراد کی فائرنگ ، لیڈیز سیلون کی مالکہ شدید زخمی

(اسرار خان) لاہور کے علاقے ڈیفنس میں نا معلوم افراد کی فائرنگ سے لیڈیز سیلون کی مالکہ زینب شدید زخمی ہوگئیں۔ 

تفصیلات کے مطابق لاہور میں ڈیفنس بی کے علاقے میں کار میں سوار نامعلوم افراد نےزینب نامی لیڈیز سیلون کی مالکہ پر فائرنگ کی،ملزم کی فائرنگ سے زینب سے شدید زخمی ہوئی ، زخمی خاتون کو طبی امداد کیلئے فوری ہسپتال منتقل کیا گیا ہےجہاں پر ان کا  علاج معالجہ جاری ہے۔

 پولیس کی جانب سے ملزم کو گرفتار کرنے کیلئےایس پی کینٹ اویس شفیق نے  اے ایس پی ڈیفنس کی سربراہی میں ٹیم تشکیل دی ہے ،ان کا کہنا ہے کہ خواتین پر فائرنگ کر کے زخمی کرنے والے عناصر کسی رعایت کے مستحق نہیں، درخواست موصول ہونے پر مزید کارروائی عمل میں لائی جائیگی،ملزم کو سی سی ٹی وی کیمروں اور دیگر ذرائع کی مدد سے ٹریس کیا جا رہا ہے،ملزم کو جلد گرفتار کر کے قانون کے کٹہرے میں لایا جائیگا۔ 

یہ بھی پڑھیں: پولیس کا حماد اظہر کی گرفتاری کیلئے پی ٹی آئی سیکرٹریٹ پر چھاپہ