عوام بغضِ عمران میں ہر حد پھلانگنے والے جعلسازوں کو پہچان لیں، شہباز گِل

 (24نیوز)وزیرِاعظم عمران خان کے معاونِ خصوصی شہباز گِل کہتے ہیں کہ عوام ان جعلسازوں کو پہچان لیں جو بغضِ عمران خان میں ہرحد پھلانگنے کے درپے ہیں۔

تفصیلات کے مطابق سماجی رابطے کی ویب سائٹ ٹوئٹر پر جاری کئے گئے اپنے بیان میں ڈاکٹر شہباز گِل نے کہا کہ جب عمران خان سمارٹ لاک ڈاؤن کا کہہ رہے تھے تو یہ سب سخت ترین لاک ڈاؤن کے حامی تھے۔

ہوشیار باش! عوام ان جعلسازوں کو پہچان لے جو بغض عمران میں ہر حد کو پھلانگنے کے درپے ہیں جب عمران خان سمارٹ لاک ڈاؤن کا مشورہ دے رہے تھے تب یہ سب سخت ترین لاک ڈاؤن کے حامی تھے اور آج جب کورونا کی وبا دوسرے فیز میں مزید جانلیوا ہو چکی ہے اپنے ذاتی مفاد کیلئے عوام کی جان کے درپے ہیں

— Dr. Shahbaz GiLL (@SHABAZGIL) November 22, 2020

 
 
اپنے بیان میں شہباز گل نے یہ بھی کہا کہ آج جب کورونا وائرس دوسرے فیز میں مزید جان لیوا ہوچکا ہے تو یہ اپنے مفاد کے لئے عوام کی جان کے درپے ہیں۔

واضح رہے کہ پاکستان ڈیمو کریٹک موومنٹ (پی ڈی ایم ) نے آج جلسے کے لئے پشاور میں پنڈال سجا لیا ہے، حکومتی اجازت نہ ملنے کے باوجود جلسے کی تمام تیاریاں مکمل ہیں، رہنماؤں نے جوشیلے خطاب کے لیے تقاریر تیار کر لیں۔