سعودی شہری کا بچے سے بے ساختہ پیار۔۔ ویڈیو  کے سوشل میڈیا پر  چرچے

(ویب ڈیسک) غلطی اپنی ہو یا کسی غیر کی اس پر پہل کرتے ہوئے اس کا اعتراف کرنا یا اس پر معافی مانگ لینا سب سے احسن اقدام ہے، اور خاص طور پر  بچوں کی غلطی پر  محبت سے پیش آنا قابل قدر ہے ۔ اسی تناظر میں سعودی عرب شہری کی ایک ویڈیو سوشل میڈیا پر خوب وائرل ہو رہی ہے ۔

ویڈیو:
سعودی شخص کا گاڑی کی ٹکر سے بچ جانے والے بچے کو بے ساختہ بوسہ سوشل میڈیا پر وائرل۔https://t.co/vHAa3WJ6DZ pic.twitter.com/1WrP9wx97V

— العربیہ اردو (@AlArabiya_Ur) November 22, 2021

العریبہ اردو کی جانب سے ٹویٹر پر جاری کی گئی ویڈیو میں دیکھا جاسکتا ہے کہ ایک سعودی شہری کار پارکنگ سے اپنی گاڑی نکال رہا ہوتا ہے کہ اچانک ایک طرف سے 10 سے 12سال تک کی عمر  کا بچہ تیزی سے سائیکل پر نمودار ہوتا ہے ، اس سعودی شہری کی گاڑی سائیکل سے ٹکرا جاتی ہے ، اس پر سعودی شہری فوری گاڑی روک کر باہر نکلتا ہے اور فوری اس بچے کا ماتھا چوم کر اس کی خیریت دریافت کرتا ہے، اس ٹکر سے بچے کو  اور نہ ہی اسکی سائیکل کو کچھ ہوتا ہے، لیکن اس ویڈیو میں سعودی شخص کے بچے سےمخلصانہ فوری محبت بھرے انداز کو دیکھا جا سکتاہے۔ یہ ویڈیو سوشل میڈیا پر خوب وائرل ہو رہی ہے۔

یہ بھی پڑھیں:یونیورسٹی کی طالبہ اپنا بستر اٹھاکر کلاس روم پہنچ گئی ۔۔ویڈیو وائرل