(ویب ڈیسک)پاکستانی کرکٹ ٹیم کے آل راؤنڈر کھلاڑی شعیب ملک کے ساتھ اداکارہ عائشہ عمر کی بیحد ہی رومانٹک اور بولڈ تصویریں وائرل ہونے پر لوگ ثانیہ مرزا کو مختلف مشورے دے رہے ہیں ۔
بھارتی نجی ٹی وی کی ویب رپورٹ کے مطابق شعیب ملک اور عائشہ عمر کا یہ فوٹو شوٹ سوشل میڈیا پر موضوع بحث بن گیا ہے اور مداح اسے ثانیہ مرزا سے بھی جوڑ رہے ہیں۔ مداح سوشل میڈیا پر سوال کر رہے ہیں کہ پاکستان کی پسندیدہ بھابھی نے شعیب ملک کو اتنے سیزلنگ اور رومانوی فوٹو شوٹ کرنے کی اجازت کیسے دیدی ہے؟۔پاکستان کے لیجنڈ کرکٹر شعیب ملک حال ہی میں پاکستانی اداکارہ عائشہ عمر کے ساتھ رومانوی انداز میں نظر آئے۔ خود عائشہ عمر نے اپنے آفیشل انسٹاگرام اکاؤنٹ سے شعیب کے ساتھ اپنی رومانوی اور گلیمرس تصویر شیئر کی تھیں۔ شعیب اور عائشہ کی یہ سیزلنگ تصاویر نہ صرف سوشل میڈیا پر وائرل ہو رہی ہیں بلکہ مداح ان تصاویر کو دیکھ کر ثانیہ مرزا کو دور رہنے کا مشورہ بھی دے رہے ہیں۔ شعیب ملک اور عائشہ عمر کی یہ تصاویر ایک مقامی میگزین کی ہیں جو گزشتہ ماہ کی ہے۔ عائشہ نے آئی سی سی ٹی ٹوئنٹی ورلڈ کپ میں اسکاٹ لینڈ کی جیت کے بعد کچھ تصاویر شیئر کی تھیں۔ اس کے علاوہ آسٹریلیا اور پاکستان کے درمیان سیمی فائنل کے دن عائشہ نے شعیب ملک کے ساتھ سوئمنگ پول میں کچھ تصاویر انسٹاگرام پر شیئر کی ہیں۔ ان تصاویر کو دیکھتے ہی مداح ثانیہ مرزا کو الگ الگ صلاح دے رہے ہیں۔
اداکارہ عائشہ عمر کا کہنا ہے کہ کسی بھی لڑکے اور لڑکی کا رومانوی فوٹو شوٹ کسی بھی افیئر کی طرف اشارہ نہیں کرتا۔ عائشہ کی شعیب ملک کے ساتھ تصویر پر تبصرہ کرتے ہوئے ایک سوشل میڈیا یوزر نے ان سے سوال کیا کہ کیا آپ دونوں شادی کرنے کا ارادہ رکھتے ہیں؟ اس کے جواب میں عائشہ نے کہا کہ ہرگز نہیں۔ عائشہ عمر نے کہا کہ وہ شادی شدہ ہیں اور اپنی خاوند کے ساتھ بہت خوش ہیں۔ میں شعیب ملک اور ثانیہ مرزا دونوں کی بہت عزت کرتی ہوں۔ شعیب اور میں ایک دوسرے کے اچھے دوست اور خیر خواہ ہیں۔ اس دنیا میں لوگ ایسے بھی رشتے رکھتے ہیں۔
یاد رہے کہ عائشہ عمر نے ٹی 20 ورلڈ کپ 2021 میں سکاٹ لینڈ کے خلاف شعیب ملک کے 'مین آف دی میچ' جیتنے کے بعد یہ تصاویر شیئر کی تھیں۔ شعیب ملک اپنی شاندار اننگز کی وجہ سے سوشل میڈیا پر ٹرینڈ کر رہے تھے۔ خاص طور پر اس وجہ سے کہ انہوں نے 18 گیندوں میں 54 رنز کی شاندار اننگز کے ساتھ بھارت کے کے ایل راہول کو پچھاڑ دیاتھا جس سے ٹورنامنٹ کے تیز ترین 50 رنز کا نیا ریکارڈ بن گیا۔ اس سے قبل رواں سال جنوری میں عائشہ عمر نے اس وقت ایک ٹرول کرنے والے کے منہ پر تالا لگا دیا تھا جب اس ٹرولر نے عائشہ پر بے حیائی 'فحاشی پھیلانے' کا الزام لگایا تھا۔ انہوں نے کہا تھا میں خواتین سے اپنے جسم کو بے نقاب کرنے کے لیے نہیں کہہ رہی ہوں۔ یہ ان کی پسند ہے، جیسا کہ یہ لباس پہننا میری پسند تھا۔ یہ آپ کی مرضی ہے کہ آپ جو چاہیں پہنیں۔
یہ بھی پڑھیں: کرکٹ کے دیوتاؤں سے ناراض بھارت چھوڑنے والے مشہور کرکٹر نے امریکا میں شادی کر لی