صبا قمر نے شادی کو زندگی کی اہم ضرورت قراردے دیا

(ویب ڈیسک) پاکستانی اداکارہ صبا قمر نے شادی کے حوالے سے اپنے خیالات کا اظہار کرتے ہوئے اسے زندگی کی سب سے اہم ضرورت قرار دے دیا۔

تفصیلات کے مطابق  ڈرامہ "مین چاند سی" ،"چیخ" ، "فراڈ" اور"تھکن" میں اپنی بہترین اداکاری کے جوہر دکھانے والی اداکارہ صبا قمر نے حال ہی میں اداکار احسن خان کے ٹاک شو میں شرکت کی جس میں انہوں نے شادی اور محبت کے حوالے سے نہ صرف اپنے خیالات کا اظہار کیا بلکہ اس کی اہمیت پر بھی زور دیتی دکھائی دیں.احسن خان نے گاڑی ڈرائیو کرتے ہوئے صبا سے سوال کیا کہ اکثر عورتوں کے ذہن سے شادی کا خیال نکل جاتا ہے پھر بعد میں انہیں اس کا احساس ہوتا ہے؟"صبا نے جواب دیا بالکل ہوتا ہے , اللّٰہ نے انسان کی زندگی جس طریقے سے بنائی ہے اس میں کچھ چیزیں وقت پر کرنا ضروری ہوتی ہیں اور انہیں کرلینا چاہیے۔

اس پر احسن نے پھر سوال کیا کہ آزاد اور خودمختار ہونے کے باوجود بھی کسی کا ساتھ ضروری ہے ؟اس سوال پر صبا نے جواب دیا کہ کوئی بھی ہو ، محبت اور ساتھی سب ہی کو چاہیے ہوتا ہے , ریلیشن شپ کسے اچھا نہیں لگتا .احسن نے ایک اور سوال کیا کہ کبھی ایسا محسوس ہوتا ہے کہ آپ اپنے پارٹنر کے بغیر ادھوری ہیں؟ اس پر صبا نے حمایتی انداز میں کہا بالکل، زندگی بغیر محبت کے کچھ بھی نہیں۔

صبا کا مزید کہنا تھا کہ ساری دنیا کی دولت یا پیسوں کا کیا فائدہ جب آپ کے پاس بات کرنے کے لئے انسان نہ ہو , پیسہ آپ کا سہارا نہیں بن سکتا،ایک بہت مضبوط اور خودمختار خاتون ہونے کے باوجود حال ہی میں ان کی جانب سے زندگی میں کسی خاص شخص  کے ہونے کی تصدیق بھی کی گئی تھی۔

یہ بھی پڑھیں:عمران خان کیخلاف ایک اور کتاب منظر عام پر آگئی

صبا قمر پاکستان کی مقبول ترین اداکاروں میں سے ایک ہیں ، جو  لالی ووڈ سمیت بالی ووڈ میں بھی کام کرچکی ہیں۔