کرم حملہ،شہر میں سوگ، کاروباری مراکز اور بازار بند

(24 نیوز)کرم حملہ میں بڑی تعداد  میں اموات پر پارا چنار میں سوگ کی فضا ہے ، تاجر برادری نے مکمل شٹر ڈاؤن کا اعلان کر رکھا ہے ، شہر میں کاروباری مراکز اور بازار بند ہیں۔

ضلع کرم میں مسافر گاڑیوں پر حملے میں جاں بحق 42 افراد کی میتیں پارا چنار پہنچا دی گئیں جہاں آج نماز جنازہ کی ادائیگی کے بعد آبائی علاقوں میں سپرد خاک کیا جائے گا۔واضح رہے گزشتہ روز لوئر کرم  میں مسافر گاڑیوں پر نامعلوم افراد کے حملے میں خواتین اور بچوں سمیت 42 افراد جاں بحق اور 30 زخمی ہو گئے تھے تاہم حملے کی ذمہ داری کسی نے قبول نہیں کی تھی۔