ریزیڈنٹ ایول کابولڈ سین کیوں کیا؟احدرضامیرنے وضاحت دیدی
ناظرین بالی ووڈ اور ہالی ووڈ فلمیں دیکھنے میں عار محسوس نہیں کرتے،اپنے فنکاروں پر تنقید کرتے ہیں
Stay tuned with 24 News HD Android App
(ویب ڈیسک) معروف اداکار احد رضا میر نے ہالی ووڈ فلم "ریزیڈنٹ ایول" میں اپنے بولڈ سین کرنے پر وضاحت دے دی۔
احدرضامیرحال ہی میں ایک پوڈکاسٹ میں شریک ہوئے جہاں انہوں نے اپنے نیٹ فلکس پروجیکٹ "ریزیڈنٹ ایول" میں فلمائے گئے ایک بولڈ سین پربھی بات کی اوراعتراف کیا کہ انہیں معلوم تھا کہ اس سین پر عوام کا شدید ردعمل آئے گا۔
انہوں نے کہا کہ یہ کافی خوف ناک تجربہ تھا کیونکہ مجھے اندازہ تھا کہ لوگوں کی جانب سے تنقید ہوگی،لیکن ہمارے ڈراموں میں تشدد، تھپڑ مارنے اور بدسلوکی کے مناظر دکھائے جاتے ہیں جنہیں بڑی تعداد میں لوگ دیکھتے ہیں اور کسی کو کوئی مسئلہ نہیں ہوتا۔
معروف اداکار کامزید کہنا تھا کہ لوگوں کو مسئلہ صرف اس وقت ہوتا ہے جب ہم محبت یا قربت کے مناظر دکھاتے ہیں، پاکستانی ناظرین بالی ووڈ اور ہالی ووڈ کی فلمیں دیکھنے میں کوئی عار محسوس نہیں کرتے لیکن اپنے فنکاروں پر تنقید کرتے ہیں۔
احد رضا میر کا کہنا تھا کہ وہ بین الاقوامی سطح پر کام کررہے ہیں اور برطانیہ میں یہ ممکن نہیں کہ وہ یہ کہیں کہ وہ کچھ مخصوص چیزیں نہیں کریں گے۔
یہ بھی پڑھیں:رمشا خان سے تعلقات ، احد رضا میر نے خاموشی توڑ دی
واضح رہے کہ آصف رضا میر کے بیٹے احد رضا میر جلد نئے ڈرامے "م سے محبت"کے ذریعے ایک مرتبہ پھر ڈراموں میں واپسی کریں گے۔