(24نیوز)جائیں تو جائیں کہاں؟ملک میں سونے کی فی تولہ قیمت میں 2500 روپے کا اضافہ ہو گیا۔
سونے کی فی تولہ قیمت بڑھ کر 2 لاکھ 80 ہزار 500 روپے ہوگئی ہے جبکہ 10 گرام سونے کی قیمت 2143 روپے اضافے سے 2 لاکھ 40 ہزار 483 روپے ہوگئی ہے،عالمی بازار میں سونے کا بھاؤ 25 ڈالر اضافے سے 2693 ڈالر فی اونس ہے۔
خیال رہے کہ گزشتہ روز سونے کی قیمت میں 3700 روپے کا بڑا اضافہ دیکھنے میں آیا، جس کے بعد فی تولہ سونے کی قیمت 2 لاکھ 78 ہزار روپے ہوگئی تھی۔
اس کے علاوہ 10 گرام سونے کی قیمت میں 3 ہزار 172 روپے کا اضافہ ہوا، جس کے بعد 10 گرام سونے کی قیمت 2 لاکھ 38 ہزار 340 روپے کا ہو ا تھا۔