ترنول پھاٹک پر کار اور ٹرین کا تصادم، کار سوار شدید زخمی

(24 نیوز) وفاقی دارالحکومت اسلام آباد میں ترنول پھاٹک پر حادثے میں کار ریل گاڑی سے ٹکرا گئی۔

تفصیلات کے مطابق مہر ایکسپریس کوہاٹ سے راولپنڈی اسٹیشن جا رہی تھی جس دوران ترنول پھاٹک پر موجود ایک کار ٹرین سے ٹکرا گئی جس کے نتیجے میں کار سوار شدید زخمی ہوگیا۔

کار سوار کو فوری طور پر ہسپتال منتقل کر دیا گیا۔

جائے حادثہ پر موجود اہل علاقہ کا کہنا تھا کہ اس سے پہلے بھی اسی جگہ پر ایسے حادثات پیش آتے رہے ہیں۔ اس حوالے سے انتظامیہ کی جانب سے حفاظتی اقدامات کرنے کی ضرورت ہے۔

اسلام آباد: ترنول پھاٹک پر حادثہ، کار ریل گاڑی سے ٹکرا گئی
کار سوار زخمی، اسپتال منتقل کر دیا گیا ،مہرایکسپریس کوہاٹ سے راولپنڈی اسٹیشن جارہی تھی،ترنول پھاٹک پر اس سے قبل بھی متعدد حادثات ہو چکے ہیں pic.twitter.com/TdiNXjDJJ7

— 24 News HD (@24NewsHD) September 22, 2022