(24 نیوز)بالی ووڈ اداکارہ پریانکا چوپڑا ان دنوں اپنے شوہر اور امریکی پاپ گلوکار نک جونس کو بہت مس کررہی ہیں۔ اپنے جذبات کا اظہار انہوں نے سماجی رابطے کی ایک ویب سائٹ پر اپنی پوسٹ شئیر کرکے کیا ہے۔
تفصیلات کے مطابق اداکارہ پریانکا چوپڑا ان دنوں اپنے آنے والے پروجیکٹ کی شوٹنگ کے لئے لندن میں ہیں اور ان کے شوہر نک جونس گلوکاری کے ریئلٹی شو ’دی وائس‘ کی میزبانی کے لئے امریکہ گئے ہوئے ہیں ۔ اداکارہ پریانکا اپنے شوہر کو بہت یاد کررہی ہیں۔انہوں نے اپنے انسٹاگرام پر ایک پوسٹ شیئر کیا ہے۔جس میں انہوں نے اپنے پیار کا اظہار کرتے ہوئے بتایا ہے کہ وہ نِک جونس کومس کررہی ہیں۔پریانکا نے انسٹاگرام پر اپنی اور نک جونس کی ایک تصویر شیئر کی ہے جس میں دونوں ایک باغ میں نظر آرہے ہیں۔تصویر میں پریانکا اور نک ایک دوسرے کو بڑے پیار سے دیکھ رہے ہیں۔اس تصویر کو شیئر کرتے ہوئے پریانکا نے لکھا ہے ’’میں آپ کو بہت مس کررہی ہوں میرے دل ‘‘۔ان الفاظ کے ساتھ ہی پریانکا نے دل والی ایموجی بنائی ہے۔
یہ بھی پڑھیں: سلمان خان کی فلم ’رادھے: یور موسٹ وانٹڈ بھائی‘ کا ٹریلر ریلیز