کراچی:ضمنی انتخاب مقررہ وقت پر ہی ہونگے، الیکشن کمیشن

 (24نیوز)الیکشن کمیشن نے حکومت سندھ کو آگاہ کر دیا ہے کہ کراچی میں قومی اسمبلی کے حلقے این اے 249 میں ضمنی انتخاب 29 اپریل کو ہی ہو گا۔

ذرائع کے مطابق الیکشن کمیشن نے این اے 249 میں ضمنی الیکشن مقررہ وقت پر ہی کروانے کا فیصلہ کر لیا ہے۔ذرائع کا بتانا ہے کہ الیکشن کمیشن نے سندھ حکومت کو فیصلے سے آگاہ بھی کر دیا ہے کہ این اے 249 میں ضمنی الیکشن 29 اپریل کو ہی ہو گا۔

واضح رہے کہ الیکشن کمیشن نے این اے 249 میں ضمنی انتخاب کے دوران کورونا ایس او پیز پر سختی سے عمل درآمد کروانے کا حکم دے دیا ہے، کورونا ایس او پیز پر عملدرآمد کے لیے خصوصی عملہ بھی تعینات کیا جائے گا۔
 یہ بھی پڑھیں:    بلاول بھٹو اورایمل ولی خان کا رابطہ، اے این پی نے علیحدگی کے فیصلے سے آگاہ کیا