"تارک مہتا کا الٹا چشمہ" کے اداکار للت منچندا نے خودکشی کرلی
کیپشن: فائل فوٹو
سورس: گوگل
Stay tuned with 24 News HD Android App
(ویب ڈیسک)بھارتی ٹیلی ویژن انڈسٹری کے اداکار للت منچندا نے 36 سال کی عمر میں خودکشی کرلی۔
للت منچندا مشہور سٹ کام "تارک مہتا کا الٹا چشمہ" میں اپنی اداکاری کےلیے جانے جاتے تھے۔
سین اینڈ ٹی وی آرٹسٹس ایسوسی ایشن (سنٹا) نے للت منچندا کی موت کی تصدیق کرتے ہوئے انسٹاگرام پر تعزیتی پیغام جاری کیا ہے۔
رپورٹس کے مطابق للت منچندا مالی مشکلات کاشکار تھے اور تقریباً 6 ماہ قبل ممبئی سے واپس میرٹھ منتقل ہو گئے تھے،انہوں نے "تارک مہتا کا الٹا چشمہ" کے علاوہ "سیوانچل کی پریم کتھا"، "انڈیا موسٹ وانٹڈ"، "کرائم پیٹرول" اور "یہ رشتہ کیا کہلاتا ہے"جیسے مشہور ڈراموں میں بھی اداکاری کی۔
یہ بھی پڑھیں:عفت عمر کی پنجاب حکومت کی آفر قبول کرنے سے معذرت
ان کی اچانک موت نے ان کے مداحوں اور ٹیلی ویژن انڈسٹری کو گہرے صدمے سے دوچار کر دیا ہے۔