(ویب ڈیسک)بالی ووڈ کی سب سے زیادہ پسند کی جانے والی آن اسکرین جوڑی شاہ رخ خان اور کاجول کے بارے میں ایک دلچسپ کہانی سامنے آئی ہے۔
شاہ رخ خان اور کاجول نے "دل والے دلہنیا لے جائیں گے"،"کچھ کچھ ہوتا ہے"،"مائی نیم از خان‘ اور "دل والے"جیسی فلموں میں ایک ساتھ کام کیاہے جن میں دونوں فن کاروں کی آن اسکرین جوڑی کو بہت پسندکیاگیاہے۔
اب دونوں فنکاروں کے حوالے سے ایک اہم انکشاف سامنے آیاہے،ہدایتکار منصور خان نے 2000ء میں جب فلم"جوش" بنانے کا ارادہ کیا تو ان کی خواہش تھی کہ اس فلم کے مرکزی کردار "میکس: کو شاہ رخ خان جبکہ "میکس" کی جڑواں بہن کا کردار کاجول ادا کریں،اس لیے منصور خان نے کاجول کو اس فلم میں کام کرنے کی پیشکش کی لیکن کاجول نے کہانی سننے کے بعد انکار کر دیا کہ "میکس" کی جڑواں بہن کا کردار ادا کرنے کے بجائے میں "میکس" کا کردار ادا کرنا چاہتی ہوں کیونکہ وہ زیادہ مضبوط اور پُرجوش ہے۔
یہ بھی پڑھیں:"ہم آپ کے ہیں کون" کاسیکوئل:سلمان خان اورمادھوری جلوہ گرہوں گے؟
کاجول کے انکار کے بعد منصور خان نے اس کردار کی پیشکش ایشوریہ رائے کو کی اور اُنہوں نے قبول کرلی۔