افغانستان سے شہریوں کا انخلا، جرمن سفیر کی پاکستان کے  کردار کی تعریف 

(24 نیوز)پاکستان میں جرمنی کے سفیر برن ہارڈ شیلاگ ہیک نے افغانستان سے غیرملکیوں کے انخلا میں تعاون پر پاکستان کے کردار کی تعریف کی ہے۔

تفصیلات کےمطابق جرمن سفیر برن ہارڈ شیلاگ ہیک نے سوشل میڈیا پر اپنے بیان میں اسلام آباد ائیرپورٹ پر شاندار تعاون پر پاکستانی حکام کی کارکردگی کو سراہا۔برن ہارڈ شیلاگ ہیک کا کہنا تھا کہ پاکستان کے تعاون کے بغیر افغانستان سے جرمن سفارتی عملے، شہریوں اور دیگر اتحادیوں کا انخلا ممکن نہ تھا۔انہوں نے ٹویٹر پر ایک تصویر بھی شیئر کی جس میں اسلام آباد ائیرپورٹ پر بڑی تعداد میں غیرملکیوں کو بیٹھے دیکھا جا سکتا ہے۔جرمن سفیر نے ’پاک جرمن دوستی‘ کا ہیش ٹیگ استعمال کرتے ہوئے رومن انگریزی میں بہت شکریہ بھی لکھا۔

اسلام آباد ایئرپورٹ پر بہترین تعاون کے لئے پاکستانی حکام کا بے حد شکریہ۔ افغانستان سے جرمن شہریوں اور مقامی عملے کو ہمارے یورپی اتحادیوں (خصوصا ہالینڈ) کے ساتھ مل کر نکالنا اس کے بغیر ممکن نہ ہوتا۔ بہت شکریہ! pic.twitter.com/BXWWI6LgO7

— Bernhard Schlagheck (@GermanyinPAK) August 23, 2021

یہ بھی پڑھیں: آزاد جموں کشمیر کونسل,پی ٹی آئی3اورپی پی پی1سیٹ پر کامیاب