بھارتی ریاست میزورام میں زیرِ تعمیر ریلوے پل گر گیا،17 مزدور ہلاک

(ویب ڈیسک)بھارت کی ریاست میزورام میں زیر تعمیر ریلوے پل گر گیا جس کے نتیجے میں 17 افراد ہلاک ہوگئے۔

بھارتی میڈیا کے مطابق حادثہ صبح 10 بجے کے قریب پیش آیا اور اس وقت کئی کام کرنے والے افراد حادثے کی جگہ پر موجود تھے ،رپورٹ کے مطابق  جس وقت زیر تعمیر ریلوے پل گر کر تباہ ہوا وہاں 35 سے 40 مزدور کام کر رہے تھے اور اب تک 17 لاشیں نکالی گئی ہیں جب کہ اتنے ہی مزدور دشوار گزار گھاٹی میں پھنسے ہوئے ہیں۔

بھارتی پولیس کے مطابق ملبے سے 17 لاشوں کو نکال لیا گیا ہے جبکہ کچھ افراد کے پھنسے ہونے کا خدشہ ہے۔بھارتی میڈیا کے مطابق حادثے کی جگہ پر ریسکیو آپریشن جاری ہے۔

Under construction railway over bridge at Sairang, near Aizawl collapsed today; atleast 17 workers died: Rescue under progress.

Deeply saddened and affected by this tragedy. I extend my deepest condolences to all the bereaved families and wishing a speedy recovery to the… pic.twitter.com/IbmjtHSPT7

— Zoramthanga (@ZoramthangaCM) August 23, 2023

وزارت ریلوے نے واقعے کی تحقیقات کے لیے انکوائری کمیٹی تشکیل دیدی۔ ابتدائی طور پر حفاظتی انتظامات کا نہ ہونا اور تعمیراتی کمپنی کی غفلت سامنے آئی ہے جس پر کمپنی کا لائسنس بھی منسوخ کیا جا سکتا ہے۔

یہ بھی پڑھیں:تیز آندھی اور گرج چمک کیساتھ موسلادھار بارش، محکمہ موسمیات نےاہم پیشگوئی کردی

بھارتی وزیراعظم نریندر مودی نے ریلوے پل گرنے کے واقعے پر افسوس کا اظہار کرتے ہوئے لواحقین کے لیے فی کس 2 لاکھ اور زخمیوں کو پچاس پچاس ہزار روپے امدادی رقم دینے کا اعلان کیا۔

ریاست میزورام کے وزیراعلیٰ نے بھی متاثرین کے لیے امداد کا اعلان کیا اور زخمیوں کو ہر ممکن طبی سہولیات کی فراہمی کی یقین دہانی کرائی ہے۔