انور مقصود کا کرونا ٹیسٹ مثبت،گھر میں قرنطینہ ، طبیعت بہتر

(24 نیوز)ملک کے معروف مزاح نگار انور مقصود کا کرونا ٹیسٹ مثبت آگیا، انہوں نے خود کو گھر میں قرنطینہ کرلیا۔

بتایا گیا ہے کہ انور مقصود کا ٹیسٹ چند روز پہلے مثبت آیا تھا، جس پر ان کا گھر پر ہی علاج جاری رکھا گیا، لیکن اب انکی   طبیعت بہتر بتائی گئی ہے۔واضح رہےکہ انور مقصود کا شمار شوبز  کی مشہور ترین شخصیات میں ہوتا ہے وہ 35 سال سے شوبز انڈسسٹری سے وابستہ ہیں۔  انور مقصود  اداکار، شاعر، مصنف، ٹی وی میزبان، مزاح نگار ہونے کے علاوہ   ایک اچھے مصور بھی ہیں۔

 وہ اپنے پروگرامز میں اہم معاشرتی مسائل کو  سادہ اور  مزاحیہ انداز میں ناظرین کے سامنے پیش کرتے ہیں۔انور مقصود کا ادب میں نمایاں مقام ہے، انکے تحریر کردہ  سب ڈرامے عوام میں بے حد مقبول ہوئے۔ ناظرین کی بڑی تعداد انکو بے حد پسند کرتی ہے۔