سندھ  کو گیس سے محروم کیا جارہا ہے:مراد علی شاہ

(24نیوز)وزیراعلیٰ سندھ مراد علی شاہ کا کہنا ہے کہ سب سے پہلے سندھ سے پیدا ہونے والی گیس سے صوبے کی ضروریات پوری کی جائیں، سندھ کو گیس سے محروم کرنا آئین کے 158 آرٹیکل کی خلاف ورزی ہے۔

تفصیلات کے مطابق سید مراد علی شاہ کی زیر صدارت صوبے میں گیس بحران پر اجلاس ہوا جس میں وزیر توانائی امتیاز شیخ، پرنسپل سیکریٹری ساجد جمال ابڑو، سیکریٹری توانائی طارق شاہ اور دیگر شریک ہوئے۔اجلاس میں وزیر اعلیٰ سندھ کو سندھ میں گیس کے شدید بحران پر بریفنگ دی گئی۔ 
انہوں نے کہا ہے  کہ سندھ ملک کا سب سے زیادہ گیس پیدا کرنے والا صوبہ ہے، اس کے باوجود صنعت کاروں کے ساتھ گھریلو صارفین بھی بہت پریشان ہیں۔انھوں نے کہا ہے کہ  سندھ کی عوام کو گیس سے محروم کیا جارہا ہے، گیس بحران پر سندھ کا کیس تیار کیا جائے، گیس کی غیرمنصفانہ تقسیم کا مسئلہ وفاقی حکومت کے سامنے اٹھائوں گا۔