ریاست نیو جرسی کا دھرمیندر کے لئے ’لائف ٹائم اچیومنٹ ایوارڈ‘ 

(24 نیوز) ریاست نیو جرسی نے بالی وڈ اداکار دھرمیندر کو ہندی سنیما کی خدمت کے اعتراف میں ’لائف ٹائم اچیومنٹ ایوارڈ‘ سے نواز دیا۔امریکی ریاست نیوجرسی کی سینیٹ اور جنرل اسمبلی میں دھرمیندر کو ’لائف ٹائم اچیومنٹ ایوارڈ دینے کی قرارد داد پیش کی گئی تھی،جس کی تمام ارکان نے توثیق کی۔
تفصیلا ت کے مطا بق ایوارڈ کی تقریب کورونا کے باعث آن لائن منعقد کی گئی جس میں اداکار دھرمیندر بھی شریک ہوئے اور انہوں نے ایوارڈ ملنے پر خوشی کا اظہار کیا۔خیال رہے کہ دھرمیندر کئی دہائیوں سے بالی وڈ میں اداکاری کے جوہر دکھا رہے ہیں اور اب تک سینکڑوں فلموں میں کام کرچکے ہیں۔