پنجاب میں 24 گھنٹوں میں کورونا سے 46 اموات ہوئیں، فردوس عاشق اعوان

(24 نیوز)معاون خصوصی فردوس عاشق اعوان کاکہنا ہے کہ پنجاب میں گزشتہ چوبیس گھنٹے میں 653 پازیٹو کیسز،اور 46 اموات ہوئی ہیں۔
وزیراعلیٰ پنجاب کی معاون خصوصی اطلاعات کاکہنا ہے کہ کورونا کی وجہ سے جو حکومت کے ٹارگٹ تھے وہ ہم سے پورے نہ ہو سکے،نئے سال میں ہم بہتر انداز میں کام کریں گے،ان کاکہناتھا کہ ہم عوام کی عدالت سے مہنگائی اور بےروزگاری کے جن کو بوتل میں بند کر کے سرخرو ہونگے ۔ 
فردوس عاشق اعوان نے کہاکہ مودی نے مقبوضہ کشمیر کو دنیا کی سب سے بڑی جیل میں تبدیل کر رکھا ہے،سب سے پہلے پاکستان اسکے بعد ہماری سیاست ہے، قائد اعظم کے پاکستان کو اپوزیشن نے گدھ بن کے نوچا، حکومت کے ساتھ مل کر کرپشن کے کیک کو اپوزیشن مل کر کاٹے۔