(ویب ڈیسک)اداکارہ مریم انصاری اور سابق کرکٹر معین خان کے بیٹے اویس خان رشتہ ازدواج میں منسلک ہوگئے ۔ اداکارہ کی اپنی شادی پر رقص کی ویڈیوزسوشل میڈیا صارفین کوخوب پسند آرہی ہیں۔
یہ بھی پڑھیں:گھر پہنچوں تو اذلان پاؤں دباتا ہے،ماہرہ خان
تفصیلات کے مطابق مریم انصاری کی شادی کی تقریبات 20 دسمبر سے شروع ہوئی تھیں اور یہ تقریبات تین دن تک جار ی رہیں۔گزشتہ شب مریم انصاری اور اویس خان کی شادی کا استقبالیہ ہوا، جس میں شوبز کی متعدد شخصیات سمیت اسپورٹس شخصیات نے بھی شرکت کی۔استقبالیہ میں سابق قومی کرکٹر وسیم اکرم سمیت دیگر اسپورٹس شخصیات بھی شریک ہوئے ۔اداکارہ رمشا خان، صبور علی، کامیڈین شفاعت علی بھی تقریب میں شریک ہوئے ۔
استقبالیہ تقریب میں دلہن ، ان کے بھائی علی انصاری اور دولہے اویس خان نے بھی ڈانس کیا ۔دلہن مریم انصاری نے روایتی سرخ عروسی لباس میںزیب تن کر رکھا تھا جبکہ دلہا اویس خان نے سیاہ رنگ کا کرتا اور سرخ رنگ کی پگڑی پہن رکھی تھی۔
اس سے قبل مریم انصاری کی مایوں کی تقریبات کی وائرل ہونے والی ویڈیوز میں اداکارہ کو سہیلیوں کے ہمراہ دیکھا گیا تھا۔
یہ بھی پڑھیں:اچھا جی میں ہاری ۔۔۔چلو مان جاﺅ ناں، ماہرہ خان کی اپنے میک اپ آرٹسٹ کو مناتے ہوئے ویڈیو وائرل