پرویز رشید جمہوریت کی روشن علامت کا نام ہے :مریم نواز

(24نیوز)مسلم لیگ ن کی نائب صدر مریم نواز نے کہا ہے کہ ‏پرویز رشید ایک فرد کا نہیں، سوچ اور نظریے کا نام ہے۔جمہوریت کی ایک روشن علامت  ہیں۔

پرویز رشید کے نااہل ہونے پر مریم نواز نے سماجی رابطے کی ویب سائٹ پر ٹویٹ کرتے ہوئے کہا کہ پرویز رشید جمہوریت کی ایک روشن علامت کا نام ہے، ایسی علامتیں ہر حال میں زندہ رہتی ہیں، وہ کل بھی پارٹی کا اثاثہ تھے، آئندہ بھی نواز شریف کے معتبر ساتھی اور جمہوریت کے جانباز سپاہی کی حیثیت سے سرمایہ رہیں گے۔

یاد رہے الیکشن ٹریبونل نے مسلم لیگ ن کے رہنما پرویز رشید کی ریٹرننگ افسر کے کاغذات نامزدگی مسترد کرنے کے خلاف اپیل مسترد کر دی۔ ٹربیونل نے بھی پرویز رشید کو سینٹ الیکشن کے لئے نااہل قرار دے دیا۔