کراچی کنگز کی مسلسل شکست، وسیم اکرم غصے پر قابو نہ رکھ سکے

(ویب ڈیسک) پاکستان سپر لیگ کی ٹیم کراچی کنگز کی مسلسل شکست پر سابق کرکٹر وسیم اکرم اپنے غصے پر قابو نہ رکھ سکے۔

گزشتہ روز پی ایس ایل کے کھیلے گئے 11 ویں میچ میں ملتان سلطانز کے خلاف سنسنی خیز مقابلے کے بعد کراچی کنگز کی 3 رنز سے شکست پر وسیم اکرم نے اسٹیڈیم میں ہی اپنا غصہ باہر نکال دیا۔

اس حوالے سے سوشل میڈیا پر سامنے آنے والی ویڈیو میں دیکھا جاسکتا ہے کہ وسیم اکرم نے پہلے اپنا سر پکڑا اور پھر سامنے موجود کرسی پر زوردار لات بھی ماری۔

Wasim Akram is VERY angry???? pic.twitter.com/k0jW5NQlhY

— Haroon (@hazharoon) February 22, 2023

گزشتہ میچز کے دوران بھی وسیم اکرم کے چہرے کے تاثرات تبدیل ہوتے دیکھے گئے تھے۔

پی ایس ایل 8 کے دوران کراچی کنگز اب تک 5 میچز کھیل چکی ہے جن میں سے اُسے 4 میں شکست ہوئی ہے۔