جنوبی افریقی خاتون کرکٹر پریس کانفرنس کے دوران پریشان ہوگئیں

(ویب ڈیسک) جنوبی افریقا کی خواتین کرکٹ ٹیم کی اوپنر بیٹر لورا وولوارڈٹ ٹی ٹوئنٹی ورلڈ کپ کے حوالے سے ہونے والی پریس کانفرنس کے دوران پریشان اور گھبرا گئیں۔

غیرملکی میڈیا کے مطابق پریس کانفرنس کے دوران ایک صحافی نے آن لائن جنوبی افریقی کرکٹر سے سوال پوچھا۔

اس دوران خاتون کرکٹر صحافی کی آواز کو سنتے ہوئے اسے ڈھونڈنے کی کوشش کرتی رہیں۔

کچھ وقت تک صحافی کا سوال سننے کے بعد انہوں نے پاس ہی موجود ایک شخص سے پوچھا بھی کہ یہ کہاں ہے۔

View this post on Instagram

A post shared by ICC (@icc)

اس حوالے سے آئی سی سی نے بھی ویڈیو شیئر کی ہے جس میں دیکھا جاسکتا ہے کہ صحافی خاتون بیٹر سے پوچھتا ہے کہ آپ مجھے سن سکتی ہیں جس پر وہ کہتی ہیں کہ مجھے نہیں پتا کہ آپ کہاں ہیں۔

واضح رہے کہ ویمنز ٹی ٹوئنٹی ورلڈ کپ کا دوسرا سیمی فائنل کل انگلینڈ اور جنوبی افریقا کے درمیان کھیلا جائے گا۔