ملک کے بیشتر علاقوں میں موسم سرد اور خشک رہے گا

(24 نیوز)ملک کے بیشتر علاقوں میں موسم سرد اور خشک رہے گا، بالائی علاقوں میں مطلع جزوی ابر آلود رہنے تیز ہوائیں چلنے کا امکان ہے ۔
تفصیلات کے مطابق محکمہ موسمیات نے کہاہے کہ اسلام آباد میں موسم سرد اور خشک رہنے کا امکان ہے ، خیبرپختونخوا کے بیشتر علاقوں میں موسم خشک رہے گا، پہاڑی علاقوں میں رات اور صبح کے اوقات میں موسم سرد رہے گا، کرم اور وزیرستان میں مطلع ابر آلود رہنے تیز ہواؤں اورگرج چمک کے ساتھ ہلکی بارش کا امکان ہے۔
رپورٹ کے مطابق پنجاب کے بیشتر علاقوں میں موسم خشک رہے گا، مری ، گلیات اور گردو نواح میں موسم سرد اور خشک مطلع جزوی ابر آلود رہے گا، ادھر بلوچستان کے بیشتر اضلاع میں موسم خشک رہے گا، بالائی علاقوں میں مطلع جزوی ابر آلود رہنے تیز ہوائیں چلنے کا امکان ہے ۔
محکمہ موسمیات کاکہناتھا کہ سندھ کے بیشتر اضلاع میں موسم خشک دن کے دوران گرم رہے گا ، کشمیر اور گلگت بلتستان میں موسم سرد اور خشک رہے گا۔

یہ بھی پڑھیں: پی ٹی آئی کی ’’جیل بھرو تحریک‘‘ کے بعد’’جیل سے نکالو تحریک ‘‘شروع