کنگ  ایڈورڈ میڈیکل یونیورسٹی میں زچگی کے دوران اموات کی روک تھام کیلئے کانفرنس کا انعقاد

(24 نیوز )کنگ  ایڈورڈ میڈیکل یونیورسٹی کے شعبہ گائناکالوجی کے زیر اہتمام خواتین میں زچگی کی شرح اموات اور بیماریوں کی روک تھام اور علاج پر کانفرنس کا انعقاد کیا گیا  ۔ 

تفصیلات کے مطابق کانفرنس سے خطابر کرتے ہوئے وائس چانسلر کنگ ایڈورڈ میڈیکل یونیورسٹی پروفیسر محمود ایاز کا کہنا تھا کہ کانفرنس میں مختلف سپیشلٹیز کے ماہرین کو بلانے کا مقصد تھا کہ وہ اپنے اپنے تجربات سے ہمیں آگاہ کریں اور تبادلہ خیال کیا جائے کہ کس طرح حاملہ خواتین کو زچگی کے دوران اموات سے بچایا جا سکتا ہے۔ 
تقریب میں پروفیسر راشد لطیف خان، وائس چانسلر فاطمہ جناح میڈیکل یونیورسٹی پروفیسر خالد مسعود گوندل، سابقہ وائس چانسلر ایف جے ایم یو پروفیسر عامر زمان خان، پروفیسر فیصل سلطان، پروفیسر محمد طیب سمیت مختلف ڈاکٹرز موجود تھے ۔
پروفیسر راشد لطیف خان کا کہنا تھا کہ زچگی کے دوران شرح اموات کافی زیادہ ہیں جس کے لئے ہم سب کو اپنا اپنا کردار ادا کرنا ہے ہمیں مریضوں کو اور گھرانوں کو آگاہی دینا ہو گی جوان ماں کو وقت پر علاج اور احتیاطی تدابیر سے بچایا جا سکتا ہے آگاہی کے لئے ہمیں میڈیا کے تعاون کی بے حد ضرورت ہے۔
پروفیسر خالد مسعود گوندل کا کہنا تھا کہ کنگ ایڈورڈ میڈیکل یونیورسٹی میں چار نئی سپیشلٹیز کا انعقاد قابل تعریف ہیں مل کر کوشش کریں گے کہ ایف جے ایم یو اور کنگ ایڈورڈ میڈیکل یونیورسٹی کو دنیا کی بہترین طبی درسگاہ بنائیں گے۔