(24نیوز)سیاسی استحکام کے بعد معاشی استحکام کے دعوے داروں کیلئے حیران کن خبر سامنے آئی ہے کہ عام انتخابات کے بعد مسلسل مہنگا ہونے والا ڈالر ایک دن سستا ہونے کے بعد پھر سے مہنگا ہو گیا ہے ۔
تفصیلات کے مطابق انٹر بینک میں ڈالر 3 پیسے مہنگا ہونے کے بعد 273 روپے 36 کا ہو گیا، گزشتہ روز ڈالر 273 روپے 33 پیسے پر بند ہوا تھا ، دوسری جانب پاکستان سٹاک ایکس چینج میں کاروباری ہفتے کا اختتام تیزی پر ہوا ہے ، 100 انڈیکس میں 901 پوائنٹس کی زبردست تیزی دیکھی گئی ، ہنڈرڈ انڈیکس 1.46 فیصد اضافے سے 62 ہزار 815 کی سطح پر بند ہوا، 16 ارب روپے مالیت کے 37.79 کروڑ شئیرز کے سودے کئے گئے ،شئیرز کی قیمت بڑھنے سے مارکیٹ کپیٹلائزیشن میں 132 ارب روپے کا اضافے سے 9081 ارب روپے ہوگئی۔
یہ بھی پڑھیں : پنجاب کی پہلی نامزد خاتون وزیر اعلیٰ، وہ باتیں جو آپ نہیں جانتے