(24 نیوز ) چیمپئنز ٹرافی کے بڑےت ٹاکرے سے قبل دونوں ممالک کے پُرجوش شائقین خوب تیاریوں کے ساتھ دبئی انٹرنیشنل کرکٹ سٹیڈیم پہنچے۔
شائقین نے اپنی اپنی ٹیموں کو سپورٹ کرنے کے لیے اپنے اپنے قومی پرچم اور دونوں ممالک کی جرسیان پہن کر دبئی انٹرنیشنل کرکٹ سٹیڈیم کا رخ کیا۔
فینز پر کرکٹ کا بخار سر چڑھ کر بول رہا ہے کوئی پیدل تو کوئی گھوڑوں پر سوار ہوکر میچ دیکھنے آیا۔
اس کے علاوہ دنیا بھر میں اور سرحد کے دونوں طرف کروڑوں مداح ٹی وی اسکرینوں کے سامنے جم کر بیٹھ گئے ہیں۔
دونوں ممالک کے شائقین کرکٹ سوشل میڈیا پر بھی اپنی ٹیموں کو بھرپور طریقے سے سپورٹ کر رہے ہیں۔
یاد رہے کہ دونوں ٹیموں کا یہ اس ٹورنامنٹ میں دوسرا میچ ہوگا۔ پاکستان کو پہلے میچ میں نیوزی لینڈ نے شکست دی تھی جبکہ بھارت نے اپنا پہلا میچ بنگلادیش کے خلاف جیتا تھا۔