ایس آئی ایف سی کے تعاون سے گیس کی پیداوار میں اضافے کیلیے نئی پالیسی متعارف
Stay tuned with 24 News HD Android App
(ویب ڈیسک)ایس آئی ایف سی کی معاونت سے توانائی کے شعبے کی ترقی کے لیے نئی پالیسی متعارف کروائی جا رہی ہے جس کی بدولت 35فیصد نجی سرمایہ کاری کی راہیں ہموار ہوگئیں۔
گیس کی پیداوار میں اضافے کے لیے نئی پالیسی متعارف کروانے کا بنیادی مقصد توانائی کے شعبے میں سرکاری اور نجی شراکت داری کو یقینی بنانا ہے،نئی پالیسی کے باعث توانائی کا شعبہ 5 ارب ڈالر تک کی سرمایہ کاری حاصل کر سکے گا۔
صدر یونائیٹڈ انرجی پاکستان محمد ظہیر عالم کے مطابق نئی پالیسی توانائی کے شعبے کی ترقی کی جانب اہم قدم ہے۔
چیئرمین پاکستان انسٹیٹیوٹ آف پیٹرولیم علی مرتضیٰ عباس کا کہنا ہے کہ ایس آئی ایف سی کی معاونت سے ماڑی پیٹرولیم کی جانب سے گیس کی دریافت اہم کامیابی ہے۔
او جی ڈی سی کے سی ای او احمد حیات کے مطابق گیس کی خریدو فروخت کے سلسلے میں صوبوں کی شراکت داری میں نمایاں اضافہ متوقع ہے۔
یہ بھی پڑھیں:پاک افغان فورسز میں کشیدگی برقرار ، طورخم سرحد دوسرے روز بھی بند
پاکستان کی توانائی پالیسی سے مقامی گیس کی فراہمی میں استحکام پیدا ہوگا، نئی پالیسی کے ذریعے روزگار کے مواقع سمیت اقتصادی ترقی میں نمایاں اضافے کی توقع کی جارہی ہے۔
ایس آئی ایف سی کی سہولت کاری سے پالیسی سطح پر کیے جانے والے حکومتی اقدامات قابل ستائش ہیں۔