(24نیوز)اسلام آباد میں قومی احتساب بیورو (نیب) کے ایک اعلیٰ افسر کی پراسرار موت۔ گریڈ 19 کے افسر وقاص احمد کی لاش اسلام آباد کے جی سکس فور سیکٹر میں واقع ایک گیسٹ ہاؤس سے ملی ہے، جسم پر کسی قسم کے تشدد کے نشانات نہیں پائے گئے۔
پولیس حکام کا کہنا ہے کہ وقاص احمد کا کمرا اندر سے لاک تھا اور ابتدائی تفتیش میں جسم پر کسی قسم کے تشدد یا زخم کے نشانات نہیں پائے گئے لاش کو مزید تحقیقات کیلئے پولی کلینک اسپتال منتقل کر دیا گیا ہے۔ذرائع کے مطابق وقاص احمد کا تعلق لاہور سے تھا اور وہ ماضی میں اوگرا کیس کے تفتیشی افسر کے طور پر خدمات انجام دے چکے تھے۔ ان کی اچانک اور پراسرار موت کے بعد مختلف پہلوؤں سے تحقیقات کی جا رہی ہیں تاکہ اصل وجوہات کا تعین کیا جا سکے۔پولیس کا کہنا ہے کہ پوسٹ مارٹم رپورٹ کے بعد ہی وقاص احمد کی موت کی اصل وجوہات سامنے آ سکیں گی دوسری جانب نیب حکام نے بھی واقعے پر اظہار افسوس کرتے ہوئے تحقیقات میں مکمل تعاون کی یقین دہانی کرائی ہے۔
واضح رہے کہ ایڈیشنل ڈائریکٹرنیب وقاض احمدبطورتفتیشی مختلف ہائی پروفائل مقدمات سےمنسلک رہے،اسٹیل اسکینڈل کی تفتیشی ٹیم کا بھی حصہ رہے ہیں، اوگرااسکینڈل کی تحقیقات بھی کی تھیں، وہ توقیرصادق کوگرفتارکرنےوالی ٹیم کا حصہ تھے اور اب ایڈیشنل ڈائریکٹر کے طور پر ہیڈ آفس میں خدمات سرانجام دےرہےتھے۔
یہ بھی پڑھیں:پاک بھارت میچ؛ رن آؤٹ امام کا، میمز انضمام پر؟