(ویب ڈیسک) بھارت کی پنجابی فلموں کے معروف گلوکار و اداکار گرو رندھاوا ایک فلم کی شوٹنگ کے دوران ایکشن سین کرتے ہوئے شدید زخمی ہوگئے، اسپتال منتقل کر دیا گیا۔
رپورٹ کے مطابق بھارتی پنجاب کے گلوکار و اداکار گرو رندھاوا نے فوٹو اینڈ شیئرنگ ایپ انسٹاگرام پر اپنی اسپتال میں داخل ہونے کی تصویر شیئر کی ہے۔گرو رندھاوا نے سوشل میڈیا پر تصویر شیئر کرتے ہوئے بتایا کہ یہ میرا پہلا اسٹنٹ تھا اور پہلی بار زخمی ہوا لیکن میرا حوصلہ نہیں ٹوٹا ہے۔گلوکار نے پوسٹ میں مزید لکھا کہ یہ تصویر فلم ’شانکی سردار‘ کی یادگار ہے، ایکشن کرنا بہت مشکل کام ہے لیکن میں اپنے چاہنے والوں کیلئے محنت کروں گا۔گلوکار کی جانب سے جاری کردہ پوسٹ کے بعد ان کے مداحوں اداکار کی جلد صحتیابی کیلئے دعائیں اور نیک تمناؤں کا اظہار کررہے ہیں۔
بھارتی میڈیا کے مطابق گرو رندھاوا ان دنوں اپنی نئی آنے والی فلم ’شانکی سردار‘ کی شوٹنگ میں مصروف ہیں، اداکار فلم میں ایکشن سین کے دوران زخمی ہوگئے اور انہیں اسپتال منتقل کر دیا گیا۔
یہ بھی پڑھیں:اسلام آباد:گریڈ 19 کے افسر کی پراسرار موت،لاش گیسٹ ہاؤس سے ملی