’تنخواہ لیں اور کرکٹ کی جان چھوڑ دیں‘ انڈیا سے ہارنے کے بعد شائقین سیخ پا

(24نیوز) انٹرنیشنل کرکٹ کونسل ( آئی سی سی ) چیمپئنز ٹرافی 2025 کے اہم میچ میں بھارت کے ہاتھوں پاکستان کرکٹ ٹیم کی 6 وکٹوں سے شکست کے بعد شائقین شدید غصے میں ہیں اور قومی ٹیم کی کارکردگی اور کپتان محمد رضوان کی قیادت پر سوالات اٹھائے جا رہے ہیں جبکہ شائقین نے کھلاڑیوں کے لئے سخت الفاظ بھی استعمال کئے۔

اتوار کے روز دبئی انٹرنیشنل کرکٹ سٹیڈیم میں کھیلے گئے میچ میں پاکستان نے 241 رنز بنائے لیکن بھارت نے ویرات کوہلی کی نصف سنچری کی بدولت مطلوبہ ہدف 4 وکٹوں کے نقصان پر پورا کر لیا،اس شکست کے بعد کراچی کے شائقین نے سوشل میڈیا اور سڑکوں پر اپنا غم و غصہ نکالا اور کہا اس ٹیم کے کھلاڑیوں کو چاہئے کہ اس بار کی تنخواہ لیں اور کرکٹ کی جان چھوڑ دیں جبکہ دوسرے نے تنقید کرتے ہوئے کہا پرچی کلچر اب بھی چل رہا ہے اور میرٹ پر کھلاڑیوں کی سلیکشن نہیں ہوتی۔

شائقین نے سابق کپتان بابر اعظم کو بھی نہیں بخشا اور ایک مداح نے طنزاً کہا لوگ بابر کو کنگ کہتے ہیں، مگر پرفارمنس کنگ والی نہیں جبکہ دوسرے نے کہا بابر اعظم صرف چھوٹی ٹیموں کے خلاف اسکور کرتے ہیں اور بڑے میچوں میں ناکام ہو جاتے ہیں۔

محمد رضوان کی کپتانی پر بھی تنقید کی گئی اور ان کے فیصلوں اور ٹیم کی حکمت عملی کو ناقص قرار دیا۔

یہ بھی پڑھیں؛ میچ کے دوران نسیم شاہ کی مدد،ویرات کوہلی نے سب کے دل جیت لیے