(ویب ڈیسک )رشمیکا مندنا کا بالی ووڈ کیرئیر فلم مشن مجنو ں یا تو بنا سکتا ہے یا ختم کر سکتا ہے۔مشہور ساؤتھ انڈین اداکارہ رشمیکامندنا نے بہت کم وقت میں اپنی اداکاری کا لوہا منوایا ہے انہوں نےساؤتھ انڈیا کی فلم انڈسٹری میں بڑے سپر اسٹارز جیسے کہ تھلاپتی وجے، اللو ارجن، اور وجے دیوراکونڈا کے ساتھ کام کیا ہیں۔موجودہ وقت میں وہ بھارت میں پسندیدہ اداکاروں میں سے ایک ہے جن کےانڈیا سمیت دنیا بھر میں مداحوں کی بڑی تعداد شامل ہیں۔ان کی نیٹ فلکس پر نئی ریلیز ہونے والی فلم مشن مجنوں ان کے بالی ووڈ میں انٹری کے لیے بہت اہم ہیں۔
تفصیلات کے مطابق فلمی ناقدین کا کہنا ہے کہ بلاشبہ پشپا: دی رائز کی کامیابی کے بعداداکارہ کو بہت سی فلموں میں کام کرنے کی آفرز ہوئی لیکن اگر انہیں دیپیکا پدکون اور عالیہ بھٹ جیسے مقام پر پہنچنا ہے تو انہیں ایک بڑی بالی ووڈ فلم کی ضرورت ہیں جو فلم ان کے کیرئیرکو عروج پہ لے جا سکتی ہے۔ ہندی میں اس کی آخری فلم امیتابھ بچن کے ساتھ الوداع تھی او ٹی ٹی پر ریلیز ہوئی لیکن زیادہ کامیابی حاصل کرنے میں ناکام رہی۔
نیٹ فلکس پر ریلیز ہونے والی فلم مشن مجنوں کے ٹریلر ان دنوں بہت مقبولیت حاصل کر رہے ہیں اس فلم میں ناقدین نے اداکار سدھارتھ ملہوترا کی کارکردگی کو سراہا ہے جنہوں نے شیرشاہ کے بعد ایک بار پھر محب وطن کے طور پرسب کو اپنی اداکاری سے متاثر کیا ہے وہیں پر فلمی ناقدین نے رشمیکا مندنا کی بھی تعریف کی ہے۔ لیکن آنے والا وقت یہ فیصلہ کرےگا کہ کیا مشن مجنو ں وہ فلم ہے جو بالی ووڈ میں اداکارہ کے کیریئر کا رخ بدل دے گی۔
وضح رہے کہ اس سے پہلےتمنا بھاٹیہ، اور راکل پریت سنگھ سے لے کر کاجل اگروال تک اور بہت سی دوسری ساؤتھ انڈین اداکاراؤں نے بالی ووڈ میں اپنی قسمت آزمائی ہے لیکن ان میں سے بیشتر ساؤتھ فلم انڈسٹری میں حاصل کی گئی کامیابی کی طرح کامیابی حاصل نا کر سکی۔
اگر مشن مجنو ں بالی ووڈ میں ہٹ نا ہو سکی تو رشمیکا کو اپنے بہترین کیرئیر کے لیے مزید انتظار کرنا پڑ سکتا ہے۔
خیال رہے کہ اداکارہ مستقبل میں اداکار رنبیر کپور کے ساتھ فلم میں نظر آنے والی ہے لیکن بالی ووڈ میں کامیاب ہونے کے لیے انہیں بیک ٹو بیک ہٹ فلموں کی ضرورت ہے اور یہی وجہ ہے کہ مشن مجنو ں کی کامیابی رشمیکا کے لیے بہت اہم ہے۔