(24 نیوز) پنجاب حکومت سرکاری اساتذہ و ملازمین کے ساتھ ایک بار پھر ہاتھ کرگئی۔ وفاق کی طرز پر اسپیشل الاؤنس کا نوٹیفیکیشن جاری ہونے کے باوجود تنخواہوں میں اضافہ نہیں کیا گیا۔
یہ بھی پڑھیں:وزیراعلی کے انتخاب سے متعلق کیس: حکمران اتحاد کا بڑا مطالبہ آگیا
ذرائع کے مطابق وفاق کی طرز پر اسپیشل الاؤنس کا نوٹیفیکیشن جاری ہونے کے باوجود تنخواہوں میں اضافہ نہیں لگایا گیا، وفاقی ملازمین یکم مارچ سے الاؤنس لے رہے ہیں۔
ذرائع کے مطابق فنانس ڈیپارٹمنٹ کے احکامات جاری ہونے کے باوجود اکاؤنٹنٹ جنرل پنجاب نے الاؤنس کی ادائیگی کے لیے مخصوص کوڈ تاحال جاری نہیں کیا۔
اسپیشل الاؤنس کی ادائیگی کا مخصوص کوڈ جاری نہ ہونے کے باعث سرکاری اساتذہ و ملازمین کو جولائی کی تنخواہوں میں ادائیگی ممکن نہیں ہوگی۔