(ویب رپورٹ)بالی ووڈ کے اداکار ارباز خان سے الگ ہونے کے بعد ملائیکہ اروڑہ اور ارجن کپور کے معاشقہ کی خبریں سامنے آتی رہتی ہیں اور اس حوالے سے اب ملائیکہ کے ایک پرانے ویڈیو کا خوب چرچا ہو رہا ہے، جس میں ارجن کپور اداکارہ ملائیکہ اروڑہ کے کسی مداح کی طرح برتاؤ کرتے نظر آرہے ہیں۔
بھارتی نجی ٹی وی کی ویب رپورٹ میں کہا گیا ہےکہ میڈیا رپورٹس کی مانیں تو ملائیکہ اروڑہ اور ارجن کپور گزشتہ کچھ سالوں سے ایک دوسرے کو ڈیٹ کررہے ہیں ۔ جب ملائیکہ سلمان خان فیملی کا حصہ تھیں تو تب ارجن کپور کے بھی سلمان خان سے اچھے رشتے تھے ۔ میڈیا رپورٹس کے مطابق ارجن کپورنے کبھی سلمان خان کی بہن ارپتا کو ڈیٹ بھی کیا تھا اور جب سے ملائیکہ اور ارجن ساتھ آئے ہیں تو تب سے ارجن اور سلمان کے رشتے میں تلخی آگئی ہے ۔ اب ملائیکہ کا ایک پرانا ویڈیو سرخیوں میں ہے ، جس میں ارجن کسی فین کی طرح برتاؤ کرتے نظر آرہے ہیں ۔
ویڈیو میں ارجن کپورغضب کا رد عمل دیتے نظر آرہے ہیں۔ ملائیکہ اروڑہ اور ارجن کپور کے مداحون کو ان کا یہ ویڈیو کافی مزیدار لگ رہا ہے ۔ دراصل یہ ویڈیو ایک پروگرام کا ہے ، جس میں ملائیکہ پوز دیتی نظر آرہی ہیں ۔ ویڈیو میں فینس ارجن کو ملائیکہ کے پیچھے سے گزرتے دیکھ سکتے ہیں ۔ اس وقت ارجن کوئی بڑے اسٹار نہیں تھے اور نہ ہی ملائیکہ کے ساتھ ان کے ریلیشن شپ کی خبریں سامنے آئی تھیں ۔ تب ملائیکہ ارباز کی بیوی تھیں۔ ویڈیو میں ارجن کسی مداح کی طرح رد عمل دیتے ہوئے نظر آرہے ہیں۔
میڈیا رپورٹس کے مطابق ملائیکہ نے2017 میں ارباز خان سے طلاق لی تھی۔ حالیہ دنوں میں ارباز خان ماڈل جارجیا اینڈریانی کو ڈیٹ کررہے ہیں اور ملائیکہ اروڑہ ارجن کپور کے ساتھ تعلقات میں خوش ہیں ۔ ارجن سے ملائیکہ گیارہ سال بڑی ہیں ۔
یہ بھی پڑھیں: دلیپ کمار نے ’دیوداس‘ کا ویڈیو شئیر کر دیا، کلپ خوب وائرل