لاہور دھماکے میں استعمال ہونےوالی گاڑی چوری کی، مالک کا تعلق کس شہر سے ہے، تفصیلات سامنے آگئیں

(مانیٹرنگ ڈیسک)لاہور کے علاقے جوہر ٹاﺅن دھماکے میں استعمال ہونے والی مشکوک گاڑی کی تفصیلات سامنے آگئیں ۔
ذرائع کے مطابق جوہر ٹاﺅن دھماکے میں استعمال گاڑی چوری کی ہے ،ایکسائز ذرائع کاکہناہے کہ کالے رنگ کی گاڑی 2010 ماڈل ٹیوٹا کرولا ہے ،گاڑی کے اصل مالک کا تعلق حافظ آباد سے ہے ،ذرائع کاکہناہے کہ گاڑی کے اصل مالک کو حراست میں لے لیاگیا ۔

یاد رہے کہ لاہور کے علاقے جوہر ٹاؤن میں ہونے والے دھماکے کے نتیجے میں 3 افراد جاں بحق، ایک پولیس اہلکار سمیت 21 زخمی ہو گئے جنہیں ہسپتال منتقل کر دیا گیا۔

 دھماکہ جوہر ٹاؤن میں واقع احسان ممتاز ہسپتال کے قریب ہوا، پولیس کے مطابق دھماکہ گاڑی کے اندر ہوا، ریسکیو ٹیموں نے جاں بحق افراد کی لاشوں اور زخمیوں کو ہسپتال منتقل کر دیا۔ دھماکہ اتنی شدید نوعیت کا تھا کہ کئی گاڑیاں، موٹرسائیکلیں اور ایک رکشہ تباہ ہو گیا، قریبی عمارتوں کے شیشے ٹوٹ گئے، دھماکے سے ایک گھر بھی شدید متاثر ہوا ہے۔

یہ بھی پڑھیں: ” بچوں کو امتحانات لئے بغیر ہی پاس کردیا جائے“بیان پر شفقت محمود کا دو ٹوک اعلان