خواتین کے لباس سے متعلق وزیر اعظم کے بیان پرسابق اہلیہ جمائما گولڈ اسمتھ کا رد عمل 

( ما نیٹرنگ ڈیسک)خواتین کے لباس اور 'ریپ' سے متعلق وزیر اعظم عمران خان کے بیان پر ان کی سابق اہلیہ جمائما گولڈ اسمتھ کا رد عمل سا منے آیا ہے ۔
 تفصیلات کے مطا بق جمائما نے اپنی ایک پرانی ٹوئٹ کو ری ٹوئٹ کیا ہے۔انہوں نے اپنی 8 اپریل کی ٹوئٹ کو ری ٹوئٹ کرتے ہوئے لکھا کہ اور دوبارہ سے۔

And again. Sigh. https://t.co/RFSC7543lm

— Jemima Goldsmith (@Jemima_Khan) June 22, 2021

اس سے قبل جمائما گولڈ اسمتھ نے رواں برس اپریل میں وزیراعظم کے بیان سے متعلق رد عمل دیا تھا، انہوں نے متعدد ٹوئٹس میں عمران خان کے بیان سے اگرچہ اختلاف نہیں کیا تھا مگر انہوں نے ان کی واضح طور پر حمایت بھی نہیں کی تھی۔
اب اپنے اسی بیان کا ایک حصہ ری ٹوئٹ کرتے ہوئے جمائما گولڈ اسمتھ نےوزیراعظم کے بیان پر ردعمل دیا ہے۔اپنی اس ٹوئٹ میں جمائما گولڈ اسمتھ نے اسلامی ملک سعودی عرب کا ایک واقعہ بیان کیا تھا اور ساتھ ہی واضح کیا تھا کہ مسئلہ خواتین کے لباس کا نہیں ہے۔جمائما گولڈ اسمتھ نے واقعہ بیان کیا تھا کہ سعودی عرب میں ایک عمر رسیدہ باپردہ خاتون کو نوجوان مرد حضرات نے ہراساں کیا۔
ساتھ ہی انہوں نے لکھا تھاکہ ایسے واقعات سے بچنے کا واحد رستہ مرد حضرات کے چہرے ڈھانپنا ہے، انہیں پردہ کروانا ہے۔اسی ٹوئٹ میں جمائما گولڈ اسمتھ نے واضح کیا تھا کہ مسئلہ یا خرابی خواتین کے لباس میں نہیں ہے۔یاد رہے کہ اپریل میں جمائما گولڈ اسمتھ نے ایک اور ٹوئٹ میں کہا تھا کہ ممکنہ طور پر وزیر اعظم عمران خان کے بیان کو غلط سمجھا گیا یا اس کی وضاحت غلط کی گئی، کیوں کہ وہ جس عمران خان کو جانتی ہیں وہ ایسے نہیں۔

I'm hoping this is a misquote/ mistranslation. The Imran I knew used to say, "Put a veil on the man's eyes not on the woman." https://t.co/NekU0QklnL

— Jemima Goldsmith (@Jemima_Khan) April 7, 2021

تاہم وزیراعظم عمران خان کے حالیہ بیان پر ردعمل کے بعد اکثر سوشل میڈیا صارفین کی جانب سے جمائما گولڈ اسمتھ کی ٹوئٹ پر تبصرے دینے کا سلسلہ جاری ہے۔

یہ بھی پڑھیں: عامر لیاقت اور طوبیٰ کی بھی طلاق ہوگئی ؟ سو شل میڈیا پر نیا محا ذ کھل گیا