شاہدخاقان عباسی کی نئی پارٹی ،محمد زبیر کے گلے شکوے، رانا ثناء اللہ نے دونوں کی سیاسی حیثیت کا پول کھول دیا

(ویب ڈیسک)مسلم لیگ ن کے رہنما رانا ثنا اللہ کا کہنا ہے پیپلز  پارٹی کے گلے شکوے دور ہو گئے، ان کے مطالبات جائز  تھے۔ نئی سیاسی جماعت کی ملک میں کوئی جگہ نہیں،محمد زبیر کبھی نواز شریف کے قریب نہیں رہے۔

نجی ٹی وی کے پروگرام میں گفتگو کرتے ہوئے رانا ثناء اللہ نے کہا ہے کہ ہرکسی کی کوشش ہوتی ہے کہ اپنے حلقے کے لیے زیادہ سے زیادہ فنڈز  لے، ہمارے ارکان بھی حلقے کے لیے فنڈز کا مطالبہ کرتے ہیں، ان کا غصہ اور گلہ بھی ہوتا ہے۔

ایک سوال کے جواب میں رانا ثنا اللہ کا کہنا تھا وزارت داخلہ کافی چیلنجنگ ہوتی ہے اس کو وقت دینا پڑتا ہے، مذاکرات بلامشروط ہوتے ہیں، پہلے سے شرائط نہیں رکھی جاتیں۔

ضرورپڑھیں:محمد زبیر پی ٹی آئی میں شامل ہوگئے؟

ایک سوال کے جواب میں ان کا کہنا تھا کہ ہماری خواہش تھی کہ شاہد خاقان عباسی ن لیگ میں رہتے، میرے خیال میں اس وقت پاکستان میں نئی پارٹی کی گنجائش نہیں ہے، پہلے ہی پونے 200 پارٹیاں پاکستان میں ہیں۔

رانا ثنا نے مزید کہا کہ نواز شریف نے کبھی جنرل باجوہ کو توسیع کی پیشکش نہیں کی، محمد زبیر کبھی نواز شریف کے قریب نہیں رہے، محمد زبیر کی باتیں صرف اندازے ہیں۔