وقار یونس کی ملی نغمہ پڑھنے کی ویڈیو وائرل 

(24نیوز)قومی کرکٹ ٹیم کے سابق مایہ ناز بولر وقار یونس کی ملی نغمہ پڑھنے کی ویڈیو وائرل ہوگئی ۔
تفصیلات کے مطابق پاکستان اور آسٹریلیا کے درمیان قذافی اسٹیڈیم میں جاری تیسرے ٹیسٹ کا تیسرا دن یوم پاکستان کے نام کیا گیا، کھیل شروع ہونے سے پہلے قومی ترانہ بھی پڑھا گیا۔میچ کے آغاز سے قبل وقار یونس نے زینب عباس، سکندر بخت کو ملی نغمہ بھی سنایا، جس کی ویڈیو پی سی بی نے اپنے ٹوئٹر اکاؤنٹ پر شیئر کی۔

.@waqyounis99 sings a National song for us on this special day! ????#BoysReadyHain l #PAKvAUS pic.twitter.com/iCp20UHegU

— Pakistan Cricket (@TheRealPCB) March 23, 2022

ویڈیو میں زینب نے بتایا کہ وقار یونس کی آواز کافی سریلی اور وہ بہت اچھا گاتے ہیں، یومِ پاکستان کے دن وہ ہمیں ملی نغمہ سنائیں گے۔وقار یونس زینب کی فرمائش پر یہ وطن تمہارا ہے اپنی خوبصورت آواز میں پڑھتے ہیں۔اس ویڈیو پر ردعمل دیتے ہوئے عمر گل نے کہا کہ وقار بھائی آپ کی آواز تو بہت اچھی ہے، آپ کا تو یہاں بھی مستقبل روشن ہے۔
یہ بھی پڑھیں۔جنت مرزا کی تصاویر۔ڈانس ویڈیو وائرل۔سوشل میڈیا پر تہلکہ مچ گیا