(ویب ڈیسک)مسجد نبویؐ میں رمضان المبارک کے آخری عشرے میں 120 ممالک کے 4 ہزار معتکفین کیلئے خصوصی انتظامات کئے گئے ہیں۔
سعودی پریس ایجنسی کے مطابق معتکفین کی سہولت کے لیے طبی سہولیات، افطار، عشائیہ اور سحری کی فراہمی، موبائل چارجنگ اسٹیشنز اور سامان رکھنے کے لیے لاکرزبھی مہیا کیے گئے ہیں۔
مردوں کے لیے مسجد کے مغربی چھت والے حصے میں اعتکاف کی جگہ مختص کی گئی ہے،ان معتکفین کو سہولت پہنچانے کے لیے مددگار ڈیسک، فرسٹ ایڈ طبی مراکز، دینی رہنمائی کے لیے دروس، اور مختلف زبانوں میں ترجمے کی سہولت بھی فراہم کی گئی ہے۔
یہ بھی پڑھیں:رمضان کا آخری عشرہ:مکہ اورمدینہ کے درمیان حرمین ٹرینوں کی تعدادمیں اضافہ
اس کے علاوہ ہر معتکف کو ایک ذاتی نگہداشت کی کٹ اور خصوصی شناختی بینڈ بھی دیا گیا ہے تاکہ انہیں مختص شدہ جگہوں پر آسانی سے رسائی مل سکے ۔