مختلف شہروں میں تیز ہواؤں اور گرج چمک کیساتھ بارش کی پیش گوئی 

(روزینہ علی)محکمہ موسمیات نے خیبرپختونخوا،کشمیر اور گلگت بلتستان کے مختلف شہروں میں تیز ہواؤں اور گرج چمک کے ساتھ بارش کی پیش گوئی کی ہے۔

رپورٹ کے مطابق وفاقی دارالحکومت اسلام آباد اور گردونواح میں موسم خشک جبکہ دن کے اوقات میں گرم رہنے کا امکان ہے۔ تاہم شام /رات میں مطلع جزوی ابرآلود رہنے کی توقع ہے۔

خیبرپختونخوا کے بیشترعلاقوں میں موسم خشک جبکہ بالا ئی اضلاع میں مطلع جزوی ابر آلود رہنے کے علاوہ شام/رات میں باجواڑ، مہمند، خیبر، چترال، دیر، سوات، کوہستان، کرم اور گردونواح میں تیز ہواؤں اور گرج چمک کے ساتھ بارش کی توقع ہے۔

ادھرپنجاب کے بیشتر اضلاع میں موسم خشک جبکہ دن کے دوران گرم رہنے کا امکان ہے  ۔تاہم مری،گلیات اور گردونوا ح میں موسم خشک جبکہ شام /رات میں مطلع جزوی ابرآلود رہنے کی توقع ہے۔

بلوچستان کے بیشتر اضلاع میں موسم خشک جبکہ جنوبی اضلاع میں دن کے اوقات میں گرم رہنے کا امکان ہے۔سندھ کے بیشتر اضلاع میں موسم گرم اور خشک رہنے کا امکان ہے۔

رپورٹ کے مطابق کشمیر اور گلگت بلتستان میں مطلع جزوی ابر آلود رہنے کے علاوہ شام/رات میں چند مقامات پر گرج چمک کے ساتھ بارش کی توقع ہے۔

آج کم سےکم درجہ حرارت لہہ منفی 06، استور منفی 01،زیارت اورا سکردو میں 01 ڈگری سینٹی گریڈ ریکارڈ کیا گیا ۔

یہ بھی پڑھیں:گاڑیوں کی قیمتوں میں کمی؟خریداروں کیلئے اہم خبر