گلیات: 2بسوں میں تصادم ۔ 8افراد جاں بحق۔ 20 زخمی
کیپشن: حادثہ(فائل فوٹو)
Stay tuned with 24 News HD Android App
(24نیوز ) گلیات میں خیرہ گلی کے مقام پر دو بسوں میں تصادم ہوا جس کے بعد ایک بس گہری کھائی میں گرنے سے 8 افراد جاں بحق جبکہ 20 زخمی ہو گئے ۔
تفصیلات کے مطابق پولیس کا کہنا ہے کہ حادثہ دونوں بسوں میں ریس کے دوران پیش آیا ، تصادم کے بعد ایک بس گہری کھائی میں گر گئی ۔زخمیوں اور لاشوں کو ہسپتال منتقل کر دیا گیا ہے۔
دوسری جانب وزیر اعلیٰ پنجاب حمزہ شہباز نے ٹریفک حادثے میں قیمتی انسانی جانوں کے ضیاع پر گہرے دکھ اور افسوس کا اظہار کرتے ہوئے جاں بحق افراد کے لواحقین سے دلی ہمدردی و اظہار تعزیت کیا، وزیر اعلیٰ نے زخمیوں کو علاج معالجے کی بہترین سہولتیں فراہم کرنے کی ہدایت کی جبکہ حادثے کے بارے میں رپورٹ طلب کر لی۔