ٹام کروز نےاپنی فلم میں کیسے سٹنٹ کیے اور کن مشکلات کا سامنا کیا

(24 نیوز) ہالی ووڈ اداکار ٹام کروز نے خود ہی بتا دیا ہے کہ انہوں نے اپنی فلم میں کیسے سٹنٹ کیے اور کن کن مشکلات کا سامنا کیا۔

ٹام کروز نے سوشل میڈیا پر ویڈیو شئیر کرتے ہوئے بتایا ہے کہ انہوں نےاپنی فلم میں کیسے سٹنٹ کیے اور اس فلم کو بنانے میں کون کونسی مشکلیں پیش آئی ۔دلیر اداکار نے ٹاک شو کے میزبان جمی کامل کے ساتھ بات چیت کے دوران ناروے میں ایک پہاڑ سے چھلانگ لگانے کی سنسنی خیز تفصیلات کا انکشاف بھی کیا۔

یہ بھی پڑھیں: سونیا حسین کا پریانکا چوپڑا اور شوہر کی پرانی تصاویر پر دلچسپ ردعمل

 ٹام کروز نے بے فکری کے ساتھ ان پیچیدہ تیاریوں پر تبادلہ خیال کیا جو اس کی حفاظت کو یقینی بنانے کے لیے تھی ان کا کہنا تھا کہ فلم ’مشن امپوسیبل ڈیڈ ریکون پارٹ ون‘ میں یہاں تک کہ میرے جوتوں کے تسمے بھی ٹیپ کیے گئے تھے۔

ایکشن ہیرو نے طنز کرتے ہوئے کہا کہ اونچی اڑان کے دوران کسی بھی ممکنہ الجھنے سے بچنے کے لیے احتیاط کی سطح پر زور دیا گیا ہے۔