غلطی: امریکی خاتون کی  ایک لاکھ ڈالر کی لاٹری نکل آئی

24نیوز: امریکی ریاست میسوری میں ایک خاتون اپنی قسمت آزمانے کے لیے لاٹری کا ٹکٹ خریدنے پہنچیں  جس نے ان  کی قسمت بدل دی۔

غیرملکی خبررساں ادارے  کے مطابق امریکہ کی ریاست میسوری میں ایک  خاتون اپنی قسمت آزمانے کے لیے لاٹری کا ٹکٹ خریدنے پہنچیں، خاتون کو کسی اور لاٹری کا ٹکٹ چاہئے تھا لیکن کلرک نے غلطی سے انہیں کوئی اور ٹکٹ تھما دیا جس نے ان کی زندگی ہی بدل دی۔

خاتون نے غلط ٹکٹ دینے پر کلرک سے تکرار بھی کی لیکن پھر انہوں نے وہ ٹکٹ رکھتے ہوئے فیصلہ قسمت پر چھوڑ دیا۔یاد رہے کہ کلرک نے جو ٹکٹ خاتون کو دیا تھا اس پر ایک لاکھ ڈالر کا جیک پاٹ نکل آیا۔

دوسری جانب میسوری لاٹری انتظامیہ کا کہنا تھا کہ گیم میں ابھی دو بڑے انعامات باقی ہیں۔

واضح رہے کہ اس حوالے سے خاتون کا کہنا تھا کہ لاٹری کا ٹکٹ نکلنے پر انہیں یقین نہیں آرہا اور وہ خوشی سے پھولے نہیں سما رہی ہیں۔لاٹری ٹکٹ نے ان کی زندگی ہی بدل کر رکھ دی ہے ۔