(ویب ڈیسک) کل فٹبال ورلڈ کپ میں ارجنٹائن اور سعودی عرب کے مابین ہونے والے میچ میں سعودی عرب کے فٹبالر یاسر الشہرانی شدید زخمی ہوگئے۔
میچ کے اضافی وقت کے دوران یاسر سعودی عرب کے گول کیپر کے ساتھ ٹکرا گئے جس کے بعد یاسر کئی منٹ تک زمین پر گرے رہے۔ ابتدائی طبی امداد فرام کرنے کے لیے یاسر کو اسٹریچر پر باہر لے جایا گیا۔
یہ بھی پڑھیے: کیا مانچسٹر یونائیٹڈ فروخت ہونے جارہا ہے؟
تفصیلات کے مطابق ایکسرے کروانے کے بعد پتہ چلا کہ یاسر الشہرانی کے جبڑے اور بائیں چہرے کی ہڈیاں ٹوٹ چکی ہیں اور اندرونی خون بہہ جانے کی وجہ سے انہیں انتہائی طبی امداد کی ضرورت ہے۔
سعودی عرب کے ولی عہد محمد بن سلمان کی جانب سے سعودی کھلاڑی کو علاج کیلئے نجی طیارے کے ذریعے جرمنی منتقل کرنے کی ہدایت کی گئی ہے۔