آئی سی سی چیمپئنز ٹرافی , ہنگامی میٹنگ 26 نومبر کو طلب
کیپشن: فائل فوٹو
سورس: گوگل
Stay tuned with 24 News HD Android App
(24 نیوز)انٹرنیشنل کرکٹ کونسل نے آئی سی سی چیمپئنز ٹرافی کے حوالے سے ہنگامی میٹنگ طلب کرلی۔
بھارتی میڈیا کے مطابق آئی سی سی نے چیمپئنز ٹرافی کے معاملے پر ہنگامی میٹنگ 26 نومبر کو طلب کی ہے۔رپوٹس کے مطابق میٹنگ میں بھارت اور پاکستان کرکٹ بورڈ کے ممبران شریک ہوں گے، اس دوران چیمپئنز ٹرافی کے مستقبل کا فیصلہ کیا جائے گا۔
بھارتی میڈیا کے مطابق آئی سی سی کا ہنگامی اجلاس ورچوئل ہوگا، جس میں تمام بورڈ زممبرز بھی شریک ہوں گے، جس میں بھارتی ٹیم کے پاکستان جانے کے انکار پر گفتگو ہوگی۔ میٹنگ میں شیڈول، فارمیٹ، گروپ سٹیج کے مقابلے، پاک بھارت میچ پر بات ہوگی، ایونٹ کے ہائبرڈ ماڈل کی صورت میں سیمی فائنلز، فائنل کے انعقاد پر بات چیت ہوگی۔