(ویب ڈیسک)سوشل میڈیا انفلوئنسراورمزاحیہ گلوکاری سے شہرت پانے والے پاکستانی نژاد برطانوی گلوکارچاہت فتح علی خان نے لیک ویڈیو پر تبصرہ کرتے ہوئے نوجوان لڑکےلڑکیوں کومشورہ دےدیا۔
سوشل میڈیا پلیٹ فارم انسٹاگرام اکاونٹ پر ایک ویڈیو میں انہوں نےکسی کا نام لیے بغیر کہا کہ میری نوجوان لڑکے لڑکیوں سے درخواست ہے کہ وہ کوئی غیر اخلاقی ویڈیو بنانے سے گریز کریں اور نہ ہی اسے وائرل کریں،چاہت فتح علی خان نے کہا کہ ایسی ویڈیوز جب سوشل میڈیا پر وائرل ہوتی ہیں تو چھوٹے بچے اور فیملیز کی نظر سے بھی گزرتی ہیں جو اچھی بات نہیں ہے۔
انہوں نے نوجوانوں کو مشورہ دیا کہ سوشل میڈیا کے پلیٹ فارمزکو اچھے مقصد کے لیے استعمال کریں اور اچھے راستے سے کمانے کا ذریعہ بنائیں،اس سے قبل بھی کئی پاکستانی فنکاروں نے نازیبا لیک ویڈیوز کے بڑھتے رحجان پر تشویش ظاہر کی تھی جس میں مشی خان بھی شامل ہیں۔
یاد رہے کہ حال ہی میں سوشل میڈیا پر ٹک ٹاکر مناہل ملک، امشا رحمٰن اور متھیرا کی مبینہ فحش ویڈیوز وائرل ہوئی ہیں۔
یہ بھی پڑھیں : نازیبا ویڈیوز کس نے وائرل کیں؟متھیرانے نیا انکشاف کردیا