صاحبہ نے ماں سے تعلق کیوں ختم کرلیا؟نشوبیگم نے روتے ہوئے سب بتادیا

(24نیوز)صاحبہ ریمبو جو گزشتہ سال 40 برس بعد اپنے والد سے ملنے گئی لیکن آج ان کی والدہ اس ملاقات کو ے کر خوش نہیں ہے، نجی ٹی وی کے ایک شو میں صاحبہ کی والدہ نے روتے ہوئے بیٹی سے تعلقات کے حوالے سے بات کی۔ 

صاحبہ ریمبو شوبزانڈسٹری کا ایک بڑا نام ہے،ان کی والدہ نشو بیگم ماضی کی ایک بڑی فلمی ہیروئن رہ چکی ہیں،نشو آج بھی پہلے کی طرح زندہ دل اور شوخ ہیں۔ نشو اپنی زندگی میں کھل کر بات کرتی ہیں۔ حال ہی میں صاحبہ 40 سالوں میں پہلی بار اپنے والد سے ملی اور ایسا لگتا ہے کہ اس سے کچھ مسائل پیدا ہوئے ہیں۔

صاحبہ کی اپنے والد سے ملاقات میں بڑا کردار ان کے شوہر اور فلمسٹار افضل خان جان ریمبو کا رہا ہے جن کے ذریعے صاحبہ کے والد اپنی اجنبی بیٹی سے دوبارہ جڑ گئے،نشو بیگم اس صورت حال سے خوش نہیں ہیں کیونکہ ان کے شوہر نے انہیں اس وقت چھوڑ دیا تھا جب وہ حاملہ تھیں لیکن انہوں نے صاحبہ کو اپنے والد سے ملنے سے نہیں روکا۔

حال ہی میں انہوں نے ایک شو میں شرکت کی، شومیں نشو اپنا درد بتاتے ہوئے رونے لگیں،انہوں نے کہا کہ انہوں نے زندگی میں بہت کچھ کیا ہے،ایک شخص میری زندگی میں آیا اور مجھ سے میرا سب کچھ چھین کر لے گیا لیکن اس بار اس نے جو ڈاکہ مارا ہے اس میں وہ میری زندگی بھر کی کمائی میری بیٹی کو مجھ سے چھین کر لے گیا اوراب میرے پاس کچھ بھی نہیں بچا ہے۔

نشو نے انکشاف کیا کہ وہ اب 7 ماہ سے اپنی بیٹی سے نہیں ملی ہیں،انہوں نے کہا کہ چونکہ سوشل میڈیا پر سب کچھ آچکا ہے اس لیے وہ بھی اپنی بات کہنا چاہیں گی کہ اس وقت وہ اپنی بیٹی سے کافی عرصے سے نہیں ملی ہیں اور اس کی وجہ صرف اور صرف اس کا باپ ہے۔

یہ بھی پڑھیں: چاہت فتح علی خان کا لیک ویڈیوز پر نوجوانوں کو اہم مشورہ