(24 نیوز)انٹرنیشنل کرکٹ کونسل (آئی سی سی )نے ویسٹ انڈیز کے بولر عاقل حسین کی اپنے ہی گیند پر مشکل ترین کیچ پکڑنے کی ویڈیو شیئر کردی۔ویڈیو کو ابتک 3 لاکھ سے زائد سوشل میڈیا صارفین دیکھ چکے ہیں۔
تفصیلات کے مطابق ٹی 20 ورلڈکپ کے میچ میں انگلینڈ نے ویسٹ انڈیز کی ٹیم کو بدترین شکست دیدی،انگلینڈکیخلاف پہلے بیٹنگ کرتے ہوئے ویسٹ انڈیز کی پوری ٹیم 55رنز پر آوٹ ہوگئی تھی، انگلینڈ نے 56رنز کا ہدف صرف چاروکٹوں کے نقصان پر پورا کرلیا۔اس طرح ویسٹ انڈیز نے ٹی 20 کرکٹ میں بدترین اعزاز اپنے نام کر لیا تاہم ویسٹ انڈیز کے بولر عاقل حسین نے ٹی 20 ورلڈکپ کا مشکل ترین کیچ پکڑ کر لوگوں کو حیران کردیا، آئی سی سی نے عاقل حسین کے کیچ پکڑنے کی ویڈیو انسٹاگرام پر شیئر کردی۔عاقل حسین اپنی ہی گیند پر انگلینڈ کے کھلاڑی کا بائیں ہاتھ سے کیچ پکڑ کر حیران کردیا۔
یہ بھی پڑھیں: پاک بھارت ٹاکرا ۔۔۔کوہلی کا پاکستانی کھلاڑیو ں کے بارے اہم بیان