نامور پاکستانی اداکار شفقت چیمہ شدید علیل، ہسپتال داخل

(زین مدنی) لالی ووڈ انڈسٹری کے نامور اداکار شفقت چیمہ شدید علیل ہوگئے، علالت کے باعث شفقت چیمہ کو شالیمار ہسپتال لاہور داخل کروادیا گیا۔

شفقت چیمہ شالیمار ہسپتال لاہور کے آئی سی یو وارڈ میں داخل ہیں، انہیں کچھ عرصہ قبل دماغ کی شریان کی بیماری ہوئی تھی، اہل خانہ کا کہنا ہے کہ اب ان کے دماغ کی خون والی شریان جم گئی ہے جس کی وجہ سے وہ کوما میں چلے گئے ہیں، اہل خانہ نے مداحوں سے شفقت چیمہ کے لیے دعائے صحت کی اپیل ہے۔

واضح رہےکہ شفقت چیمہ نے پاکستان فلم انڈسٹری کی 952 فلموں میں کام کیا ہے۔