(24نیوز)مرغی کا گوشت مزید سستا ہو گیا جبکہ انڈوں کی قیمت بڑھ گئی۔
لاہور میں مرغی کے گوشت کی نئی فی کلو قیمت 590 روپے کلو مقرر کی گئی ہے،سرکاری نرخنامے کے مطابق فی کلو برائلر گوشت کی قیمت 590 روپے کلو مقرر کی گئی ہے، زندہ برائلر مرغی کی پرچون قیمت 407 روپے فی کلو جبکہ تھوک قیمت 393 پر مستحکم ہے۔
لاہور انتظامیہ کی جانب سے جاری کئے گئے سرکاری نرخنامے میں فارمی انڈوں کی فی درجن قیمت مزید بڑھ کر 307 روپے کی سطح پر پہنچ گئی ہے،ملک کے دیگر شہروں میں مرغی کے گوشت کے نرخ مختلف ہیں، گزشتہ روز اسلام آباد کے نواحی علاقوں میں مرغی کا گوشت 710 روپے کلو تھا۔